Чытайце таксама:
Расійскія топ-футбалісты да бойкі ў кафэ жорстка збілі беларуса, які зрабіў ім заўвагу. Ён трапіў у рэанімацыю
Футбалісты зборнай Расіі пабілі чыноўніка ў кафэ. Дасталася, бо ён падобны да кітайца ВІДЭА
Стаў вядомы стан збітага расійскімі футбалістамі Какорыным і Мамаевым чыноўніка
«Мы зробім усё, каб гэтага дамагчыся». ФК «Краснадар» вырашыў разарваць кантракт з Мамаевым
Віталь Салаўчук, якога пабілі расійскія футбалісты Аляксандр Какорын і Павел Мамаеў, расказаў пра інцыдэнт.
33-гадовы грамадзянін Беларусі, кіроўца вядучай «Першага канала» Вольгі Ушаковай, трапіў у рэанімацыю.
— Машына «Мерседэс» была прыпаркаваная на 2-ой Брэсцкай вуліцы. Я чакаў Вольгу Віктараўну, яна была на здымках.
Раптам у машыну села нейкая п'яная дзяўчына, маўляў, пагрэюся. Я папрасіў дзяўчыну выйсці, яна пачала лаяцца: «Не выйду — і кропка!»
Падышоў нейкі хлопец, прыкладна праз 40 секунд-хвіліну, адчыніў дзверы і забраў яе. Літаральна праз пару хвілін я ўжо хацеў ад'язджаць, як пачуў гук — грук аб машыну, як-быццам нешта разбілася.
Выйшаў паглядзець, што кінулі ў машыну. Убачыў групу маладых людзей. Яны былі агрэсіўныя, пачалі пытацца, маўляў, ты ведаеш, хто я. І ўсё ў такім стылі. Крычалі, што я іх нібыта абразіў. Гэтага не было — я ж на працы. А потым яны пачалі мяне збіваць.
— Колькі іх было?
— Мінімум пяць чалавек білі. Збівалі рукамі і нагамі. Я неаднаразова падаў на асфальт. У асноўным білі ў вобласць галавы.
Падчас збіцця крычалі, каб не ўздумаў пісаць заяву. Праз некаторы час яны пакінулі мяне, напэўна, вырашылі, што яшчэ трошкі, і будзе больш жалобны вынік. Я не бачыў, куды яны ўцяклі, мне не да гэтага было.
Шчыра прызнаюся, я дрэнна цяміў. Сеў у машыну, ад'ехаў са 2-ой Брэсцкай да канцэртнай залы Чайкоўскага. Мне было блага, хацеў як мага хутчэй з'ехаць ад гэтага месца, каб збіццё не паўтарылася.
Спыніўся, выйшаў з машыны, тут да мяне падышоў незнаёмы, які бачыў усю гэтую гісторыю. Ён сказаў, што выклікаў паліцыю.
— Якія ў вас траўмы?
— Чэрапна-мазгавая траўма, пералом касцей носа, удар мяккіх тканак твару. Страціў шмат крыві, яна свістала ажно з вушэй. Уся вопратка прамокла ад крыві.
— Наколькі моцныя пашкоджанні ў машыны?
— З таго, што я ведаю, — удар па крыле, трэшчына на фортачцы.
— Вам пагражаюць?
— Пакуль няма пагроз. У машыне ўсталяваны гланасаўскі відэарэгістратар, і матор быў заведзены, таму відэарэгістратар павінен быў працаваць.
Імаверна, на ім захаваўся пачатак бойкі. Але па фатаграфіях я ўжо пазнаў Какорына і Мамаева, — сказаў пацярпелы.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары