На анархіста Касінерава і ягоную жонку завялі адміністратыўную справу за экстрэмізм
Абаіх выклікалі ў міліцыю. Там яны знаходзяцца ўжо 6 гадзін, паведаміла радыё «Свабода».
Беларускі актывіст анархісцкага руху Вячаслаў Касінераў і ягоная жонка Марына Насенка не выходзяць на сувязь пасьля таго, як аб 11-й гадзіне 1 кастрычніка пайшлі ў Маскоўскі РУУС Менска.
Адносна Касінерава і Насенкі распачалі працэсы за распаўсюд экстрэмісцкіх матэрыялаў на Facebook. Якія менавіта матэрыялы маюцца на ўвазе, невядома.
Затрымліваць людзей у міліцыі могуць максымум на тры гадзіны, калі толькі за правапарушэньне не прадугледжаны арышт — тады чалавека могуць затрымаць на 72 гадзіны да суду.
Па стане на 17 гадзінаў Касінераў і Насенка не адказваюць на тэлефанаваньні і паведамленьні ў сацсетках.
Сябра затрыманых Зьміцер Паліенка расказаў Свабодзе, што таксама ня можа зьвязацца зь імі і з чалавекам, які ішоў зь імі ў РУУС. У Маскоўскім РУУС яму адказалі, што Касінерава і Насенкі «там няма».
Касінерава запрашалі атрымаць позву праз SMS, пагражалі «ўжыць меры да прыводу ў РУУС», калі ён папрасіў перанесьці разьбіральніцтва па справе на іншы дзень.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары