Гэта фактычна адзіны шанец трапіць на чэмпіянат Еўропы 2020 года.
УЕФА зрабіла някепскі падарунак заўзятарам зборных, што знаходзяцца на задворках футбольнай цывілізацыі. Адзіную пуцёўку на Еўра-2020 атрымае зборная, што пераможа ў дывізіёне D (які аб'ядноўвае найслабейшыя зборныя Еўропы).
Нагадаем, што ў рамках Лігі Нацый 16 самых слабых зборных былі разбітыя на чатыры групы. Беларусы трапілі ў групу D2 да Люксембурга, Малдовы і Сан-Марына. Чатыры туры ўжо прайшлі.
Становішча камандаў: Люксембург — 9, Беларусь — 8, Малдова — 5, Сан-Марына — 0.
Сёння ў гасцях каманда Беларусі згуляе з Люксембургам (пачатак у 22:45).
Перамога ў гэтым матчы фактычна гарантуе выхад у плэй-оф Лігі нацый. У нядзелю Беларусь згуляе ў гасцях з Сан-Марына, а Малдова дома прыме Люксембург.
Нічыя сёння пакідае шанцы на плэй-оф, але трэба, каб Малдова ў нядзелю не прайграла Люксембургу.
Становішча ў іншых групах:
Ад групы D1 пуцёўку сабе гарантавала Грузія.
D3: Косава — 8, Азербайджан — 6, Фарэры — 4, Мальта — 2.
D4: Македонія — 9, Гібралтар, Арменія — 6, Ліхтэнштэйн — 3.
Лёсаванне плэй-оф пройдзе 2 снежня, а сам турнір, які вызначыць пераможцу дывізіёна D, адбудзецца ў наступным годзе.
Каментары