Клуб, з якім згуляе «МЛ Віцебск» у Лізе канферэнцый, названы ў гонар вялікай бітвы Другой сусветнай
Учора «МЛ Віцебск» выбыў з кваліфікацыі Лігі чэмпіёнаў у першым раўндзе, прайграўшы румынскай «Універсітаце» ў двух матчах (1:4, 0:1). Чэмпіён Беларусі працягне гуляць у еўракубках, адправіўшыся ў другі кваліфікацыйны раўнд Лігі канферэнцый.
Яго супернікам будзе шасціразовы чэмпіён Чарнагорыі «Суцьеска», якая таксама выйграла першынство краіны і сёлета.
Матчы другога раўнду пройдуць 23 і 30 ліпеня.
«Суцьеска» базуецца ў горадзе Нікшыч і названая ў памяць пра югаслаўскіх камуністычных партызан, што загінулі ў бітве пры рацэ Суцьеска падчас Другой сусветнай вайны. Рака знаходзіцца на тэрыторыі сучаснай Босніі і Герцагавіны.
Бітва на Суцьесцы адбывалася месяц, з 15 мая па 15 чэрвеня 1943 года і стала стала кульмінацыяй Народна-вызваленчай вайны ў Югаславіі і таксама найбуйнейшай, а таксама самай кровапралітнай партызанскай бітвай Другой сусветнай вайны ў Еўропе.
З югаслаўскага боку ў бітве ўдзельнічалі чатыры дывізіі агульнай колькасцю каля 22 тысяч чалавек, у тым ліку прыкладна 4 тысячы хворых і параненых. Гэта былі сербы, чарнагорцы, харваты-партызаны.
З нямецкага боку былі задзейнічаны германскія, італьянскія, харвацкія усташска-дамабранскія (вайсковыя і мілітарныя фармаванні Незалежнай Дзяржавы Харватыя) і балгарскія войскі, па розных ацэнках ад 90 да 127 тысяч чалавек.
У выніку бітвы Народна-вызвольная армія Югаславіі пераламала ход вайны ў краіне, ініцыятыва перайшла да партызан.
Агульныя страты партызан склалі 7500 чалавек, немцаў, італьянцаў, харватаў-дамабранаў і балгараў — каля 5500 чалавек.
У гонар пра бітву былі напісана некалькі кніг і знята некалькі фільмаў.
Цяпер чытаюць
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары
Нікшыч, дарэчы, гэта па-сутнасьці вёска. Некалі ў месцы працавала вытворчасьць скураных вырабаў і адпаведнай сыравіны для галантарэйнай прамысловасьці. Цяпер ад яе нічога не засталося. А яшчэ там вараць ці не адзіны ў Чарнагорыі брэнд піва, у якога таксама ёсьць свая гісторыя. Распавядаць ня буду, каб ня множыць оффтоп. :) Скажу толькі, што ў рэстаранах і пляжных шалманах, яго прапануюць у добрай якасьці, бутыляванае не каштаваў.