«Падумаеш, у выхадныя менш вып’ю». Беларус пагасіў крэдыт, які расіянка ўзяла на лячэнне сабакі
Беларус Віталь Грынь жыве на два гарады: у Мінску і Маскве. Працуе PR-кансультантам. Выпадкова пабачыў у інтэрнэце кранальную гісторыю пенсіянеркі з Курганскай вобласці, якая ўзяла крэдыт у банку на 20 000 расійскіх рублёў (прыкладна 300 долараў), каб аплаціць лячэнне сабакі Ярыка, якога знайшла пакалечанага на ўзбочыне дарогі.
Сабаку былы гаспадар прывязаў да машыны і цягнуў на павадку па дарозе.
Гэтая гісторыя кранула Віталя Грыня:
«Я падумаў, што наўрад ці хто ўзяў бы крэдыт у банку, каб выратаваць збітага машынай… мяне. Ды і наогул, усе мы ў пэўным сэнсе знаходзімся на ўзбочыне. Патэлефанаваў у рэдакцыю, якая рабіла матэрыял пра жанчыну з сабачкам, і пералічыў грошы. Ды там і сума не такая вялікая, каб адчуць сябе героем. Адчуваю, што ў адныя выхадныя вып’ю меней».
У Віталя дома жыве кот, якога мужчына забраў з вуліцы.
«Я не магу сказаць, каб асабліва любіў жывёл, ну толькі свайго ката люблю, ага. А ад таго, што дапамог харошаму чалавеку, дык настрой сабе падняў».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары