У Беларусі не задаволены сітуацыяй з прыцягненнем буйных міжнародных спонсараў для правядзення II Еўрапейскіх гульняў. Пра гэта заявіў прэм'ер-міністр Сяргей Румас па выніках сустрэчы з прэзідэнтам Еўрапейскіх алімпійскіх камітэтаў Янезам Качыянчычам у Рыме, паведамляе прэс-служба ўрада.
Кіраўнік Еўрапейскіх алімпійскіх камітэтаў выказаў задавальненне тым, як ідзе падрыхтоўка да II Еўрапейскіх гульняў. «Разам з тым мы абмеркавалі адно важнае пытанне — прыцягненне міжнародных спонсараў, — сказаў Сяргей Румас. — Па кантракце былі абавязацельствы (Еўрапейскіх алімпійскіх камітэтаў) прыцягнуць буйных міжнародных спонсараў, але на сёння вынікамі гэтай працы мы не можам быць задаволеныя».
Таму на сустрэчы абмяркоўваліся магчымыя выхады з сітуацыі, якая склалася. «Дамовіліся, што беларускі бок возьме больш на сябе работу па прыцягненні спонсараў у такіх прэміяльных сектарах, як нафтаперапрацоўка, банкаўская справа, напоі», — адзначыў прэм'ер-міністр.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары