Прэзідэнт самаабвешчанай рэспублікі назваў пратэсты спробай дзяржперавароту.
У Сухумі пратэстоўцы зносяць агароджу вакол парламента. Мітынгоўцы назвалі яе «агароджай ганьбы».
«Гэта злачыннае рашэнне — адгароджвацца ад свайго народа агароджамі і хавацца. Нам няма ад каго хавацца, мы нікога не баімся», — каментуюць знос актывісты.
Прэзідэнт самаабвешчанай рэспублікі Аслан Бжанія заявіў, што перамовы з апазіцыяй зайшлі ў тупік. Пратэсты ён назваў спробай дзяржперавароту, піша РІА «Навіны».
«Зараз той час, калі мы павінны клапаціцца пра сваю краіну, пра нашу радзіму. Яна ў небяспецы. І ў такое складанае становішча наша радзіма трапіла ў выніку дзеянняў людзей, якія зрабілі спробу дзяржаўнага перавароту», — сказаў ён.
На яго думку, яшчэ не позна змяніць сітуацыю. Ён прапанаваў пазачарговыя выбары, якія «пакажуць, каго ў якасці прэзідэнта хоча бачыць шматнацыянальны народ Абхазіі».
Жыхары пратэстуюць супраць інвестыцыйнай дамовы з Расіяй, якая дае сур'ёзныя прэферэнцыі расійскім кампаніям у сферы будаўніцтва. Пратэст паступова перарос у антыўрадавы: мітынгоўцы захапілі будынак парламента і запатрабавалі адстаўкі прэзідэнта Аслана Бжанія і яго каманды.
Прэзідэнт Абхазіі гатовы пакінуць пасаду
Апазіцыя ў Абхазіі заклікала грамадзян сабрацца днём ля парламента, каб зноў запатрабаваць адстаўкі прэзідэнта
Абхазскі кіраўнік Бжанія пакінуў Сухумі
Пратэстоўцы ў Абхазіі запатрабавалі адстаўкі прэзідэнта. Той адмовіўся
Пратэстоўцы ў Абхазіі паспрабавалі ўзяць штурмам будынак парламента
Каментары
неўзабаве калючы дрот?
яшчэ зразумела, калі амбасады так агароджваюцца... і тое... а тут... "народная" улада ад народу свайго
пра нашу бяду маўчу)