Аліну Коўшык спыталі, чаму галоўнай рэдактаркай «Белсата» стала яна, а не Аляксей Дзікавіцкі
Аліна Коўшык, якую прызначылі галоўнай рэдактаркай «Белсат», расказала ў размове з Сяргеем Падсасонным, калі ёй паступіла прапанова стаць на чале канала. Урывак з вечаровай праграмы «Тыдзень», якую пакажуць сёння, апублікаваў тэлеграм-канал «Белсата».
Аліна распавяла, што прапанова ўзначаліць канал была для яе нечаканай. Хаця гутаркі пра змену кіраўніцтва канала былі даўно, Аліне, паводле яе слоў, такая прапанова паступіла нядаўна.
«Калі да мяне прыйшлі з прапановай, я зразумела, што гэта апошняя дошка ратунку, — кажа Коўшык. — Усе казалі, што важна, каб беларус ці беларуска ўзначальвалі канал. І палякі гэта пачулі».
Вядучы Сяргей Падсасонны заўважыў, што Аляксей Дзікавіцкі, які да снежня застаецца выконваць абавязкі кіраўніка канала, таксама беларус і таксама працуе там ад заснавання «Белсата».
«Чаму не Аляксей?» — спытаў Сяргей Падсасонны.
«Гэта пытанне трэба задаваць асобам, якія прымалі рашэнне, і гэта была не я», — адказала Аліна. Яна аспрэчыла, што перайшла дарогу Дзікавіцкаму.
«Прапанова ўзначаліць «Белсат» мне прыйшла пасля таго, як я дакладна ведала, што Аляксей Дзікавіцкі не застанецца на пасадзе», — сказала яна.
Дзікавіцкі: Каманда «Белсата» амаль не мае ніякага ўплыву на сітуацыю
Кіраўнік «Белсата» адказаў на абвінавачанні ў фінансавых злоўжываннях на канале
Стала вядома, у чым падазраюць Рамашэўскую, Дзікавіцкага і іншых топ-менеджараў «Белсата»
«Белсат» перастане быць самастойнай адзінкай у структуры TVP
Дзікавіцкі: Па-людску разумею рыторыку Рамашэўскай. Але я б сышоў спакайней
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава6
Каментары
Паразважаць з разумнай выніковай прыгожай Алінай Коўшык пра неабходнасць свайго культурнага Сусвету для пабудовы сваёй дзяржавы.
Калгасная мова людзей, якія ніколі не чулі і не ведалі беларускай мовы. І тым больш нічога не чулі пра публіцыстычны стыль. Гапата, карацей.