У Брэсце вайсковец злавіў чатырохгадовага хлопчыка, які выпаў з акна трэцяга паверха
«Я нават не паспеў зразумець, што адбываецца», — прызнаўся вайсковец.
У Брэсце яфрэйтар Ілья Касюк — вайсковец 111-й гвардзейскай артылерыйскай брыгады — выратаваў жыццё чатырохгадоваму хлопчыку, піша БелТА.
Гэта адбылося 13 лістапада ўдзень. Седзячы ў аўтамабілі каля свайго дома, Ілья Касюк пачуў дзіцячы крык. Ён убачыў хлопчыка, які вісеў на ўзроўні трэцяга паверха, трымаючыся адной рукой за вяроўку для бялізны. Артылерыст дзейнічаў хутка: зняў куртку і падрыхтаваўся лавіць дзіця. Хлопчык не ўтрымаўся і ўпаў, на шчасце, у рукі вайскоўца. Ён перадаў дзіця брыгадзе хуткай медыцынскай дапамогі і пасля гэтага адправіўся ў сваю вайсковую частку.
«Гэта было ў абед. Я збіраўся ехаць на дзяжурства. Праграваў машыну і пачуў, як крычыць дзіця, пабегла нейкая жанчына. Выглянуў у акно — і ўбачыў, што вісіць хлопчык, трымаючыся за вяроўку адной рукой. Я адразу пабег. Далей усё вельмі хутка адбылося. Я зняў куртку, а жанчына пабегла ў тую кватэру. Шчыра кажучы, не памятаю, ці быў я адзін, ці нехта яшчэ быў побач. Уніз не глядзеў, толькі наверх, на хлопчыка. У нейкі момант ён адарваўся і ўпаў уніз, прама мне ў рукі», — распавёў падрабязнасці 22-гадовы Ілья Касюк.
Хлопчыка завуць Міша. Ён быў заплаканым і спалоханым. На шчасце, усё абышлося, пры падзенні ён не атрымаў траўмаў.
«Я нават не паспеў зразумець, што адбываецца», — прызнаўся вайсковец.
Свой учынак Ілья Касюк ацэньвае сціпла, лічычы, што на яго месцы кожны мужчына паступіў бы так жа.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?3
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары
сёння выратаваў дзіця, а заўтра пойдзе забіваць