Прычым зрабілі гэта ў гасцях з лікам 4:0.
На матч была заяўлена нават Вікторыя Азаранка, фота Дзмітрыя Брушко
На выходных праходзяць матчы 1/4 фіналу Кубка федэрацый (галоўны тэнісны турнір сярод зборных). Беларускі гулялі супраць Нямеччыны ў гасцях у Браўншвайгу.
Нашы выставілі наймацнейшы склад (Сабаленка, Сасновіч і Азаранка). Немкі, праўда, галоўных зорак (Кербер і Гёргес) не заявілі.
У суботу Аляксандра Сасновіч перамагла Таццяну Марыю 7:6, 6:3, а Арына Сабаленка — Андрэа Петкавіч — 6:2, 6:1.
А сёння Сабаленка разграміла Лаўру Зігемунд — 6:1, 6:1. Беларускі датэрмінова перамаглі з лікам 3:0. Мы ў паўфінале!
Затым прайшла парная сустрэча, у якой Вікторыя Азаранка і Лідзія Марозава перамаглі Мону Бартэль і Ану-Лену Грэнефельд — 6:1, 0:6, 11:9.
У выніку — 4:0.
Там нашы супернікі або ЗША, або Аўстралія.
Каментары