Дзікае здарэнне адбылося 11 лютага ў сярэдняй школе № 2 у Стоўбцах (Мінская вобласць). Вучань 10 «Б» класа Вадзім М. напаў з нажом на настаўніцу гісторыі і геаграфіі ды аднакласнікаў.
Наступствы цяжкія. Як стала вядома «Нашай Ніве», настаўнік і адзін з вучняў памерлі. Двое вучняў з раненнямі — у рэанімацыі, усяго параненыя пяцёра школьнікаў.
Настаўніцы Марыне Пархімовіч было 53 гады.
На месца здарэння прыехаў кіраўнік Следчага камітэта Іван Наскевіч.
«Паводле папярэдніх звестак, падазраваны ў нападзе вучань 10-га класа прыйшоў у школу каля 7.40. Ён паставіў партфель і выйшаў з кабінета. Потым вярнуўся і напаў на настаўніцу гісторыі, якая павінна была весці першы ўрок. За педагога паспрабавалі ўступіцца два аднакласнікі. Яны атрымалі раненні. Пасля гэтага падазраваны выбег з класа, і зайшоў у суседні кабінет, дзе напаў на вучня 11-га класа. 17-гадовы школьнік у выніку нападу загінуў», — паведаміў афіцыйны прадстаўнік Следчага камітэта Сяргей Кабаковіч.
Адзінаццікласніка, які загінуў, звалі Аляксандр.
Нападнік збег, выскачыўшы праз акно другога паверха. Яго затрымалі ў горадзе а 10.14 супрацоўнікі крымінальнага вышуку пры падтрымцы АМАПа, паведаміла МУС у твітары.
Дзяцей да моманту затрымання падлетка трымалі ў школе.
Знаёмыя характарызуюць Вадзіма М. як «нармальнага, звычайнага, спакойнага». Вучыўся, кажуць, нармальна.
Чытайце таксама
11-класнік, які загінуў у Стоўбцах, быў патрыётам, вёў старонку па-беларуску і насіў майку з Пагоняй ФОТЫ
Дзесяцікласнік напаў з нажом на настаўніцу і аднакласнікаў, двое загінулі
«Цэліў у горла»: сталі вядомыя падрабязнасці здарэння ў Стоўбцах, дзе школьнік зарэзаў настаўніцу і вучня
Што было на старонцы Укантакце ў хлопца, які забіў настаўніцу
Сваякі хлопца, якога парэзаў аднакласнік у Стоўбцах, распавялі пра яго стан
«Наогул не ўмеў злавацца». Што вядома пра нападніка і яго затрыманне
«Ну што яму нарабілася? Гэтыя бедныя дзеткі самі ўсё стараюцца». Родная нападніка са Стоўбцаў расказала пра ягоную сям'ю
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік8
Каментары