Ключавой задачай урада ў 2019 годзе будзе павышэнне эфектыўнасці і канкурэнтаздольнасці дзяржсектара, заявіў прэм'ер Сяргей Румас на пасяджэнні Рады Міністраў, перадае БелТА.
«Ключавой задачай урада на бліжэйшую перспектыву з'яўляецца павышэнне эфектыўнасці і канкурэнтаздольнасці дзяржаўнага сектара эканомікі, прычым гэта тычыцца як рэспубліканскіх, так і камунальных прадпрыемстваў. Сёння фактычна не працуюць рынкавыя інструменты для фінансавага аздараўлення прадпрыемстваў. Пры гэтым многія дзяржаўныя прадпрыемствы разлічваюць выключна на бюджэтную падтрымку», — адзначыў Сяргей Румас.
«Прадпрыемствы, якія не выканалі ўмоў аказанай ім дзяржпадтрымкі і не дасягнулі задэклараваных мэтаў яе давання, больш не маюць права разлічваць на такую дапамогу. Калі прадпрыемства сапраўды развіваецца, выходзіць на стабільную і рэнтабельную працу, але па аб'ектыўных прычынах не можа своечасова пагасіць назапашаную запазычанасць, урад у выключных выпадках гатовы разгледзець магчымасць яе рэструктурызацыі», — растлумачыў Сяргей Румас.
Але ўсе рашэнні будуць суправаджацца жорсткім кантролем з боку ўрада і, як правіла, зменай кіраўніка прадпрыемства. Акрамя гэтага у 2019 годзе ўрад зоймецца выбудоўваннем карпаратыўнага кіравання на дзяржпрадпрыемствах.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары