«Бацька браў малога на рукі і разам з ім падаў на падлогу»: падрабязнасці справы аб смерці немаўля ў Серабранцы
8 лютага цела пяцімесячнага малога знайшлі пад вокнамі аднаго са шматпавярховікаў на праспекце Ракасоўскага ў Мінску. Спачатку хадзілі чуткі, што дзіця выкінулі з вакна, пазней следчыя абверглі гэтую версію. І вось нядаўна стала вядома, што абвінавачванне прад’явілі бацьку малога.
Спачатку затрымалі ўсіх, хто быў у кватэры: маці малога, яе сужыцеля, іх сяброў. Пазней жанчыну і дваіх мужчын адпусцілі, пад вартай заставаўся бацька малога і яго сябар.
Агулам у кватэры жыло чацвёра дарослых: маладая маці малога з сужыцелем і яе маці таксама з сужыцелем. Яны нярэдка выпівалі, шумелі, суседзяў ігнаравалі. Такая ж «вечарына» адбылася і ў дзень смерці малога.
«У ноч з 7 на 8 лютага бягучага года бацькі дзіцяці і сужыцель бабулі з двума знаёмымі распівалі спіртное. На працягу ночы бацька неаднаразова браў малога на рукі, аднак з прычыны моцнага алкагольнага ап'янення падаў разам з ім на падлогу. У выніку падзенняў дзіця атрымлівала розныя траўмы», — паведаміў Следчы камітэт.
Высвятленне абставінаў здарэння ўскладняецца тым, што фігуранты крымінальнай справы нібыта не памятаюць ўсіх падзей той ночы, кажуць, што былі моцна п’яныя.
Следчыя прыйшлі да высновы, што дзіця памерла ад сукупнасці траўмаў рознай ступені цяжкасці. Бацьку малога прад’явілі абвінавачванне ў прычыненні смерці па неасцярожнасці і ў тым, што ён пакінуў малога ў небяспецы. Мужчыну пагражае да 3 гадоў пазбаўлення волі.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары