Зяленскі сустрэўся з кіраўнікамі абедзвюх праваслаўных цэркваў Украіны
Абраны прэзідэнт Украіны Уладзімір Зяленскі сустрэўся з мітрапалітам Украінскай праваслаўнай царквы Маскоўскага патрыярхата Ануфрыем. Сустрэча адбылася 30 красавіка на тэрыторыі мітрапольнай рэзідэнцыі Феафаніі, паведамляе інфармацыйна-асветніцкі аддзел УПЦ МП.
Бакі абмеркавалі «сітуацыю, якая склалася ў рэлігійнай сферы Украіны». Падрабязнасці размовы прэс-служба УПЦ не прыводзіць.
Зяленскі павіншаваў мітрапаліта з Вялікаднем, а прадстаяцель УПЦ, у сваю чаргу, павіншаваў таго з выбраннем на пасаду прэзідэнта краіны і пажадаў яму «бласлаўлення на новым і адказным шляху служэння Украіне і яе народу».
У паведамленні каманды Зяленскага ў Facebook гаворыцца, што ўдзельнікі сустрэчы абмеркавалі «пытанні развіцця агульначалавечых каштоўнасцяў», а таксама сітуацыю на ўсходзе краіны, і адзначылі, што «дзяржава і царква павінны прыкласці максімум намаганняў для наладжвання міру і аднаўлення адзінства Украіны».
Акрамя таго, Зяленскі правёў сустрэчу з кіраўніком Праваслаўнай царквы Украіны мітрапалітам Епіфаніем, паведаміла каманда абранага прэзідэнта. На сустрэчы абмяркоўваліся «праблемы, якія стаяць перад Украінай, у прыватнасці, шматгадовы канфлікт на Данбасе», а таксама тэмы барацьбы з карупцыяй і беднасцю.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары