У Маскве раптам з'явілася магіла балерыны Плісецкай і кампазітара Шчадрына, хоць самі яны яе не хацелі
Славутая расійская балерына Мая Плісецкая хацела, каб пасля смерці яе самой і яе мужа, кампазітара Радзівона Шчадрына, абодвух крэміравалі, змяшалі прах і развеялі яго над ракой Ака. Нібыта так урэшце і адбылося. Аднак днямі высветлілася, што частку праху ўсё ж пакінулі і пахавалі на Новадзявочых могілках у Маскве. Пры гэтым пра гэта не ведалі нават сваякі.
Пахаванне прайшло непублічна, і пра гэта не паведамілі нават блізкім. Па словах журналіста і тэатральнага крытыка Сяргея Нікалаевіча, пра факт пахавання праху не ведаў нават брат балерыны. Сваякі даведаліся пра магілу выпадкова — калі адзін з іх апынуўся на гэтых прэстыжных могілках па іншай справе.
Пры гэтым ёсць інфармацыя, што на закрытай цырымоніі прысутнічалі асобныя расійскія ўплывовыя асобы, у прыватнасці кіраўнік Вялікага тэатра Валерый Гергіеў і былая высокая чыноўніца Вольга Галадзец.
Чаму так адбылося, сказаць дакладна пакуль цяжка. Раней было вядома, што сужэнцы, якія пражылі ў шлюбе 57 гадоў, пакінулі сумесны тэстамент, дзе пазначылі сваю апошнюю волю:
«Целы нашыя пасля смерці спаліць, а калі настане сумная гадзіна сыходу, наш прах злучыць разам і развеяць над Расіяй».
Мая Плісецкая не любіла пахавальных рытуалаў, не была рэлігійным чалавекам і ідэя аб развейванні праху належала ёй. Не выключана, аднак, што Радзівон Шчадрын, які перажыў жонку на 10 гадоў і памёр у жніўні мінулага года, мог змяніць напрыканцы жыцця ранейшае рашэнне. Але застаецца незразумелым, чаму тады ўсё было зроблена ў такой таямніцы.
89‑гадовая Майя Плісецкая пайшла з жыцця ў маі 2015 года ад сардэчнага прыступу. Радзівон Шчадрын памёр у жніўні 2025 года на 93‑м годзе жыцця.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА57
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны55
Каментары
АЛЕ Шмат сарказма іроніі у ютубе ..постсаўдэпаўскім языкатам і ні толькі наконт выбачання прызнання памылкі Такерам Карлсанам
І пытанне
Нехта з зорак піяра певуноў актораў рэжысераў журналістаў палятолагаў пісьменнікаў паэтпў свае памылкі прызнал выбачылся перад беларусамі казахамі украінцамі...дарагімі добрымі ні зусім амаль ні добрымі расіянамі за падтрымку......прозвішча самі узгадайце