Першы раз на п’едэстал этапаў Кубку свету па біятлону паднялася 22‑гадовая беларуска Дар’я Домрачава.
Першы раз на п’едэстал этапаў Кубку свету па біятлону паднялася 22‑гадовая беларуска Дар’я Домрачава.
На пятым этапе Кубку свету ў нямецкім Рупольдынгу наша біятланістка заняла трэцяе месца ў спрынце. Даша без памылак прайшла два агнявыя рубяжы і на фінішы прайграла чатырнаццаць секунд немцы Магдалене Нойнер, якая заняла першае месца з адным промахам. На 0,2 секунды ад пераможцы адстала яшчэ адна немка — Каці Вільхельм.
Сёлета Домрачава ўжо пяць разоў трапляла ў першую дзесятку, але да п’дэстылу чагосьці ўвесь час не хапала.Асабліва крыўдны інцыдэнт здарыўся з беларускай тыдзень таму ў Оберхофе. Падчас масавага старту Даша прыехала першай на другую стральбу, але разгубілася, што трэба страляць не стоячы, а лежачы. У выніку з гонкі яе дыскаваліфікавалі. Як бачым, спартсменка не раскісла, а наадварот прыклала ўсе намаганні, каб рэабілітавацца.
Дар’я Домрачава нарадзілася ў Мінску, але доўгі час з бацькамі жыла ў Расіі, дзе і пачала займацца біятлонам. Калі прыйшоў час выбіраць між дзвюма зборнымі, то выбар быў адназначна зроблены на карысць гістарычнай радзімы.Цяпер Домрачава лічыцца самай перспектыўнай спартсменкай у складзе зборнай Беларусі.
Цяпер чытаюць
Лукашэнка загадаў забараніць арганізаваныя паездкі дзяцей за мяжу без дазволу дзяржавы7
Каментары