Штраф у памеры 100 базавых велічынь (2 550 рублёў) прызначыў суд Маскоўскага раёна мінчуку, які не явіўся па позве на ваенныя зборы, перадае «Мінск-Навіны».
Адкрытае выязное пасяджэнне суда адбылося ў вайсковым камісарыяце Маскоўскага раёна. 44-гадовага ваеннаабавязанага выклікалі ў ваенкамат 21 сакавіка 2018 года для адпраўкі на ваенныя зборы. Аднак у прызначаны дзень малодшы сяржант запасу не прыбыў на месца прызначэння. Паважных прычын для гэтага не было.
Сваю віну ваеннаабавязаны прызнаў і папрасіў строга яго не караць, паколькі ў яго цяжкае матэрыяльнае становішча і на ўтрыманні непаўналетняя дачка.
У выніку суд прызначыў штраф у памеры 100 базавых (2 550 рублёў).
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары