Хто такі Іван Падгурскі, які выконвае функцыі міністра пасля адстаўкі Шуневіча
10 чэрвеня міністр унутраных спраў Ігар Шуневіч пакінуў сваю пасаду. Ён узначальваў МУС аж 7 гадоў. Імя наступнага кіраўніка яшчэ невядомае.
Пакуль што функцыі міністра лягуць на плечы Івана Падгурскага, першага намесніка Шуневіча.
Падгурскаму 54 гады, ён начальнік крымінальнай міліцыі (дарэчы, з гэтай пасады перасеў у міністэрскае крэсла і сам Шуневіч у 2012 годзе).
Родам Іван Падгурскі з Клімавіцкага раёна Магілёўскай вобласці.
У 1993 годзе скончыў Акадэмію МУС. У сістэме органаў унутраных спраў займаў розныя пасады: быў камандзірам узвода міліцыі аддзела пазаведамаснай аховы, у 2011 годзе быў прызначаны начальнікам упраўлення ўнутраных спраў на транспарце, а праз два гады ўзначаліў Дэпартамент забеспячэння аператыўна-вышуковай дзейнасці МУС.
Першым намеснікам міністра і кіраўніком крымінальнай міліцыі ён стаў у 2016 годзе. У 2017 атрымаў званне генерал-маёра.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары