Вязня, які спрабаваў уцячы з турмы пад выглядам уласнай дачкі, знайшлі нежывым
Напярэдадні пра 42-гадовага мужчыну напісалі СМІ ва ўсім свеце: усё з-за незвычайнай спробу ўцёкаў, піша bbc.com.
На відэа, знятым на тэрыторыі турмы, відаць, што ён пераапрануўся ў вопратку сваёй дачкі, якая прыйшла яго адведаць, а на галаву адзеў сіліконавую маску і парык.
Клаўвіна «Карантыш» да Сілва быў верхаводам злачыннага фарміравання і абвінавачваўся ў гандлі наркотыкамі. Яго прысудзілі да 73 гадоў і 10 месяцаў турмы.
У аўторак цела да Сілва знайшлі ў камеры турмы ў Рыа-дэ-Жанейра, куды яго перавялі адразу пасля няўдалай спробы ўцёкаў. «Карантыш» знаходзіўся ў адзіночнай камеры.
У 2013 годзе да Сілву ўжо ўдавалася бегчы з турмы: ён выбраўся на волю праз каналізацыю.
Каментары