11 лютага дзесяцікласнік Вадзім Мілашэўскі забіў нажом дваіх чалавек у стаўбцоўскай школе: настаўніцу і вучня. Яшчэ дваіх параніў.
11 верасня Вадзіму вынеслі прысуд: 13 гадоў пазбаўлення волі.
Сяргей Раманаў, бацька 11-класніка Сашы, якога забіў Вадзім, пракаментаваў «Нашай Ніве» прысуд забойцу свайго сына:
«Тэрмін далі максімальна магчымы… Мне яго не шкада. Я лічу, што яго нельга шкадаваць. Бо я бачыў відэа, як ён біў нажом у калідоры — і я не бачу ў ім нармальнае дзіця.
У апошнім слове ён штосьці прамармытаў, маўляў, прабачце, я не хацеў… Але які сэнс? Ён сам сябе выгароджвае. Яго навучылі, што трэба казаць, ён адмаўляўся нават ад старых паказанняў. Казаў, што раскайваецца, але я не веру. Гэтыя словы нічога не значаць, ён проста выгароджваў сябе, каб далі меншы тэрмін.
На працэсе мы бачыліся з бацькамі Вадзіма. Але яны не падыходзілі да мяне, мы з імі ўвогуле не размаўлялі».
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер16
Каментары