Самалёт з 337 пасажырамі на борце зрабіў вымушаную пасадку з-за таго, што пілот праліў каву на прыборную панэль. Інцыдэнт здарыўся ў лютым, але вядома пра яго стала толькі цяпер — з даклада брытанскага Аддзела па расследаванні авіяцыйных здарэнняў, піша BBC.
Самалёт Airbus A330-243 ляцеў з Франкфурта ў мексіканскі Канкун, але вымушаны быў здзейсніць незапланаваную пасадку ў Шэнане, Ірландыя.
Гэта адбылося пасля таго, як прыборная панэль пачала плавіцца, і ў кабіне пілотаў з'явіўся дым. Лётчыкам прыйшлося выкарыстаць кіслародныя маскі. У выніку інцыдэнту ніхто не пацярпеў.
Паводле Аддзела па расследаванні авіяцыйных здарэнняў, камандзір паветранага судна назіраў за дзеяннямі другога пілота, калі ім падалі каву. Гарачы напой прынеслі ў кубках без накрывак.
Камандзір паставіў кубак на адкідны столік, з якога ён і перакуліўся. Большая частка кавы трапіла на калені камандзіра, а частка пралілася на прыборную панэль.
Абсталяванне ў выніку разагрэлася настолькі, што кнопкі пачалі плавіцца. Гэта прывяло да частковага пашкоджання прыборнай панэлі і праблем з сувяззю.
Тады было прынята рашэнне развярнуцца і прызямліцца ў Шэнане. Пасадка прайшла выдатна.
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»7
Каментары