У Вільні з'явілася незвычайная скульптура. На ёй адлюстраваны і беларус ФОТАФАКТ
На праспекце Канстытуцыёс (за ракой Вілія), каля будынка №23, з'явілася новая бронзавая скульптура Вітаўтаса Налівайкі «Прыяцелі», створаная яшчэ ў 2008 годзе.
Віленчукі ўжо ведаюць гэта месца па велізарнай скульптуры коніка на сцяне будынка, піша Delfi. Гэтая скульптура створана Альгісам Грышкявічусам. 6-метровы конік важыць каля 700 кг.
Новая скульптура «Прыяцелі» — гэта мужчыны, якія сімвалізуюць прадстаўнікоў чатырох нацыянальнасцяў: паляк з вусамі і ў канфедэратцы, беларус у футравай вушанцы, літовец са свіной галавой пад пахай і габрэй, што летуценна глядзіць у неба.
«Прыяцелі» — саркастычная копія савецкага манумента «Чатыры Камунары», якая адлюстроўвае разлад паміж народамі, бессэнсоўнае і неабгрунтаванае пагаршэнне адносін паміж людзьмі.
Гэтую скульптуру на мінулым тыдні набыў парк каменных скульптур Vilnojа. Яе перавезлі туды з невялікага парку ў Неменчыне.
«Трэба выцягваць мастацтва з лясоў і кутоў і дэманстраваць людзям. Мы хочам, каб скульптуры былі даступныя больш шырокай аўдыторыі. Таму вырашылі часова размясціць скульптуру «Прыяцелі» ў Вільні», — сказаў заснавальнік Vilnojа прадпрымальнік Відмантас Марціконіс.
-
Дзіўна заплямлены Гігін сфатаграфаваўся з удзельніцамі вернападданага аўтапрабегу
-
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася
-
Беларуска распавяла, колькі ёй каштавала вярнуцца ў Беларусь пасля амаль чатырох гадоў жыцця ў Дубаі
Каб не плаціць падатак на сабак, мінчукі пачалі здаваць іх у пункты адлову25
Каментары