Кіраўнік папулярнага гуртка па робататэхніцы ў Гродне дзяліўся з падлеткамі не толькі ведамі, але і наркотыкамі
Міліцыя затрымала 38-гадовага жыхара Гродна, які ўцягваў непаўналетніх у спажыванне наркотыкаў, паведамляе МУС у сваім тэлеграм-канале.
Мужчына арандаваў ў цэнтры Гродна памяшканне, дзе арганізаваў гурток па робататэхніцы, які карыстаўся вялікай папулярнасцю.
Аператыўнікі правялі мерапрыемствы, падчас якіх стала вядома, што акрамя навучання дзяцей праграмаванню і мадэляванню робатаў разам з некаторымі вучнямі ён ужывае наркатычныя сродкі. Інфармацыя пацвердзілася.
Акрамя таго, у доме і на працоўным месцы мужчыны было выяўлена рэчыва расліннага паходжання, гэта была марыхуана.
Устаноўлена, што мужчына дзяліўся наркатычнымі рэчывамі з трыма падлеткамі 14-16 гадоў. Дарэчы, ён быў затрыманы праваахоўнікамі падчас курэння марыхуаны з адным з памяшканняў, дзе праводзіў заняткі.
Ёсць падставы меркаваць, што колькасць падлеткаў, якім «настаўнік» прышчапляў цікавасць да наркотыкаў, можа быць больш.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары