Здарэнні

У Пецярбургу прадавачка з Беларусі паверыла махлярам і вынесла грошы з касы. Але кампенсаваць гаспадару адмовілася

Полацкая геадэзістка Лілія Дзятко падпісала графік, па якім будзе аддаваць грошы. Але пасля перадумала плаціць. І суд часткова стаў на яе бок.

44‑гадовая Лілія Дзятко ў свой час вывучылася ў Полацку на інжынера-геадэзіста, але ўрэшце паехала працаваць у Расію. У 2021 годзе яна ўладкавалася ў Санкт-Пецярбургу касіркай-прадавачкай у буціку італьянскага абутку і адзення Noone.

Аднаго дня, калі яна была на працы, у краму на стацыянарны тэлефон патэлефанаваў незнаёмы чалавек. Ён нагаварыў штосьці такое, што Лілія ўзяла з касы ўсё, што было — каля $4500, паклала грошы ў банкамаце на ўласную картку і перавяла іх суразмоўцу.

Што гэта быў за махляр, так і не зразумела. Але грошы вярнуць так і не ўдалося.

Гаспадары крамы, натуральна, не парадаваліся дзіўнай гісторыі, але ўвайшлі ў становішча — пагадзіліся, каб беларуска вяртала грошы часткамі. Яна падпісала пагадненне — што абавязуецца спачатку аддаць каля $1150, пасля яшчэ столькі ж, а рэшту хай у яе ўтрымліваюць з заробку, прыкладна па $250 на месяц.

Аднак у выніку Дзятко нічога так не вярнула, а ўрэшце ўвогуле звольнілася па ўласным жаданні. Тады гаспадары крамы пайшлі ў суд.

Суд прызнаў, што паводле службовай інструкцыі беларуска адказвала за захаванасць касавай выручкі. А перш чым выконваць указанні невядомай асобы па тэлефоне, Лілія павінна была яе ідэнтыфікаваць, аднак гэтага не зрабіла.

Тым не менш было вырашана ўлічыць, што беларуска небагатая, у яе ёсць праблемы ў сям'і. Таму з Ліліі Дзятко спагналі толькі $2840, каля 63% ад таго, што яна вынесла з касы.

Каментары

Цяпер чытаюць

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Усе навіны →
Усе навіны

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка10

Мінскія ўлады ўжо абмяркоўваюць ідэю Лукашэнкі запусціць трамваі ў метро14

Людзі спяшаюцца перабрацца з Расіі ў Эстонію1

Выйдзе працяг «Адзін дома» з Макалеем Калкіным

Мінчане купілі пустуючую хату за 2300 рублёў і вяртаюць яе да жыцця5

Чаму ўсё новае цяпер выглядае крыху вінтажным1

У Мінску прадаюць чарэшні па касмічнай цане1

Вадзім Галыгін: Я крыху стаміўся ад гумару. Хочацца паспрабаваць нешта іншае8

У Мексіцы затрымалі аднаго з найбольш шуканых наркабаронаў — за інфармацыю пра яго абяцалі $5 млн

больш чытаных навін
больш лайканых навін

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі3

Выкладчыцы вакалу з Бабруйска далі 14 гадоў у Расіі за сэксуальны гвалт над дзяўчынкамі

Галоўнае
Усе навіны →

Заўвага:

 

 

 

 

Закрыць Паведаміць