Эма Уотсан: «Я шчаслівая быць незамужняй. І называю гэта — сама сабе партнёр»
Эма Уотсан распавяла, што з набліжэннем 30-гадовага веку ў яе жыццё прыйшлі стрэс і трывога, піша bbc.com.
Актрыса, якой 30 гадоў споўніцца ў красавіку, кажа, што адчувае на сабе ціск падсвядомых чаканняў, звязаных з тым, чаго чалавек «абавязаны» дасягнуць да надыходу гэтага ўзросту.
«Калі ў цябе няма мужа, калі ў цябе няма дзіцяці… Гэта проста неверагодная трывога», - сказала яна ў гутарцы з брытанскім Vogue.
У той жа час, кажа Уотсан, яна адчувае сябе шчаслівай у адзіноце, і называе гэты стан «сам сабе партнёр» (being self-partnered).
Актрыса прызнаецца, што раней не верыла ў тое, што можна адначасова быць адзінокай і шчаслівай: «Я лічыла, што гэта нейкі трызненне. Гэта заняло шмат часу, але я вельмі шчаслівая [быць адзінокай]».
Апошні год, кажа яна, быў для яе асабліва няпростым.
«Я адчувала нешта накшталт «Чаму ўсе надаюць так шмат увагі моманту спаўнення 30 гадоў? Гэта не такая ўжо і вялікая падзея».
«Калі вы не пабудавалі дом, калі ў вас няма мужа, няма дзіцяці, вам ужо споўнілася 30, а вы яшчэ не знаходзіцеся на нейкім неверагодна бяспечным, стабільным этапе вашай кар'еры або вы ўсё яшчэ ў пошуках… Гэта проста неверагодная трывога «, - тлумачыць Уотсан.
Актрыса, найбольш вядомая па ролі ў серыі фільмаў пра Гары Потэра, з'яўляецца паслом добрай волі ААН, а таксама падтрымлівае кампанію He For She, якая выступае за гендэрную роўнасць ва ўсім свеце.
Цяпер чытаюць
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»5
Кіраўніка маркетынгавай кампаніі прысудзілі да 7,5 года за сацыялагічнае даследаванне пра кавід у Беларусі — «здрада дзяржаве»
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары