Эўразьвяз ухваліў увядзеньне ў Славеніі эўра.
Лідэры Эўразьвязу ўхвалілі ўвядзеньне эўра ў Славеніі з 1 студзеня 2007 году на саміце ў Брусэлі. Такім чынам, Славенія стане першай краінай з новых сябраў ЭЗ ад 2004 году, якая змагла ўвесьці адзіную валюту, перадае BBC News.
Краіне пад кіраўніцтвам Янэза Дрноўшэка ўдалося выканаць усе неабходныя крытэры па зьніжэньні дзяржаўнай запазычанасьці і дэфіцыце бюджэту для далучэньня да зоны эўра. Інфляцыя ў краіне склала ў 2005 годзе 2,4 адсотка пры неабходных 2,61 адсотка.
Цяпер замену славенскіх толара і стаціны на эўра ды эўрацэнты належыць ухваліць міністрам фінансаў ЭЗ. Ім таксама неабходна ўсталяваць канчатковы курс абмену славенскай і эўрапейскай валюты. Чакаецца, што гэтыя рашэньні міністры прымуць на паседжаньні 11 ліпеня, паведамляе агенцтва AFP.
Астатнія краіны, якія прэтэндуюць на ўваходжаньне ў зону эўра, пакуль ня магуць выканаць крытэр па інфляцыі. Чакаецца, што Эстонія, Літва, Латвія, Кіпр і Мальта пяройдуць на эўрапейскую валюту ў 2008 годзе, у 2009 годзе да зоны эўра далучыцца Славакія, а ў 2010-м Чэхія.
Нагадаем, што Славенія стала незалежнай амаль адначасова зь Беларусьсю – 25 чэрвеня 1991 году. На гэтым гістарычныя паралелі заканчваюцца. Славенія далучылася да NATO 29 сакавіка 2004 году, уступіла ў Эўразьвяз 1 траўня 2004 году. Цяпер першая з новых сябраў ЭЗ пераходзіць на эўра.
-
Беларуска выйшла замуж за лонданскага мільянера, старэйшага на 41 год. Ён пакінуў ёй $400 тысяч з умовай маўчаць — а яна адсудзіла мільёны
-
Дэлегатка КР Мамаева: Адно з абвінавачванняў, што я перасылала скрыншоты ўнутранай перапіскі спісу іншым асобам
-
Дэлегатцы КР Аляксандры Мамаевай вынеслі вотум недаверу ў яе ж фракцыі
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер16
Каментары