Нягодніка з-пад Ваўкавыска, які выйшаў з турмы і забіў сваю бабулю, пасадзілі на ўсё жыццё
Гродзенскі абласны суд прысудзіў да пажыццёвага зняволення 35-гадовага жыхара Ваўкавыскага раёна, які забіў сваю 81-гадовую бабулю, паведамляе «Наш час».
Унук правёў у турме больш за 12 гадоў, у тым ліку за забойства. Увесь гэты час яго падтрымлівала бабуля, якая перадавала яму прадукты і пераводзіла грошы.
Калі ж маладзён вызваліўся, то прыехаў менавіта да яе. Падчас канфлікту схапіўся за наж і сякеру. Бабуля атрымала не менш за 37 удараў, ад якіх памерла.
Пасля гэтага ўнук забраў з дому рэчы, а таксама 80 рублёў. Праз гэта яго судзілі не толькі за жорсткае забойства, а яшчэ і за крадзеж.
Каментары