Лукашэнка: У адзінстве вялікую ролю адыграла царква. Не толькі праваслаўная — усе канфесіі
Раство Аляксандр Лукашэнка праводзіць у храме ў гонар іконы Божай Маці «Дзяржаўная», які ўваходзіць у склад размешчанага ў Мінску Свята-Елісавецінскага жаночага манастыра, піша sb.by.
Звяртаючыся да прыхаджанаў, якіх на службе сабралася некалькі сотняў, кіраўнік дзяржавы падвёў вынікі года і адзначыў, што галоўным было тое, што мы захавалі мір і спакой нашай зямлі. У тым ліку канфесійны:
— Гэта тое, чым ганарыцца любая дзяржава. Перш за ўсё наша Беларусь.
Прычым у адзінстве, звярнуў увагу ён, вялікую ролю адыграла царква. Не толькі праваслаўная — усе канфесіі.
Аляксандр Лукашэнка перадаў у дар храму ікону «Раство Хрыстова». Гэты абраз беларускага аўтара Андрэя Шчарбініна, дадае БелТА.
У сваю чаргу настаяцель храма протаіерэй Андрэй Лемяшонак перадаў у дар кіраўніку дзяржавы абраз святой прападобнай Еўфрасінні Полацкай.
Храм у гонар іконы Божай Маці «Дзяржаўная» уваходзіць у склад манастырскага комплексу Свята-Елісавецінскага жаночага манастыра. Храм пабудаваны ў 2001-2007 гг., а асвечаны 18 кастрычніка 2008 г. мітрапалітам Мінскім і Слуцкім Філарэтам. Акрамя храмаў, розных майстэрняў манастыр мае ў прыгарадзе свой падворак, дзе створаны цэнтр для апекі сацыяльна неабароненых людзей. Сёстры манастыра нясуць паслушэнства ў Рэспубліканскай клінічнай псіхіятрычнай бальніцы, псіханеўралагічным інтэрнаце, у Навукова-даследчым інстытуце пульманалогіі і фтызіятрыі ў Навінках.
Цяпер чытаюць
Арына Сабаленка выйшла да мінчукоў у атачэнні васьмі ахоўнікаў ВІДЭА8
Каментары