Кіраўнік «Раснафты» Ігар Сечын паведаміў прэзідэнту Расіі Уладзіміру Пуціну пра вынікі сваіх перамоў з беларускім лідарам Аляксандрам Лукашэнкам, паведаміў РІА Навіны прэс-сакратар кіраўніка расійскай дзяржавы Дзмітрый Пяскоў.
Як паведамілі ў «Раснафце», Сечын і Лукашэнка абмеркавалі далейшае супрацоўніцтва ў сферы энергетыкі. Кіраўнік кампаніі падкрэсліў, што паважае даверныя адносіны з Беларуссю і настроены канструктыўна.
Больш падрабязнай інфармацыі няма.
«Раснафта» з'яўляецца ключавым пастаўшчыком нафты ў Беларусь. У 2019 годзе яна паставіла Мінску 8,8 мільёна тон нафты, што складае палову ад імпарту паліва ў краіну.
Апошнія тры гады Беларусь закупляла 24 мільёны тон расійскай нафты ў год, 6 мільёнаў з якіх рээкспартавала. Але перамовы ў канцы снежня ні да чога не прывялі. У студзені ў Беларусь было пастаўлена толькі 500 тысяч тон. Учора стала вядома, што Беларусь купіла два танкеры з расійскай нафтай (170 тысяч тон) без прэміі. Раней было куплена 85 тысяч тон нарвежскай нафты.
Цяпер чытаюць
«Беларусы дастаткова мудрыя, каб чакаць». Севярынец выступіў у Вільні3
Каментары