У Аўстраліі найбуйнейшая сетка супермаркетаў увяла ліміт на продаж туалетнай паперы. У чаканні каранавіруса там мятуць усё
Фота з фэйсбука
Сетка супермаркетаў Woolworths перайшла да абмежавання продажаў туалетнай паперы пасля таго, як у апошнія дні ў Аўстраліі на фоне панікі ад нарастаючага каранавіруснага крызісу апусцелі паліцы, піша theaustralian.com.au.
Пакупнікі могуць купіць толькі чатыры пакеты ў рукі як у краме, так і ў Інтэрнэце, заявіў гігант супермаркетаў у сераду раніцай.
«Гэта дапаможа павысіць узровень запасаў, паколькі пастаўшчыкі нарошчваюць мясцовую вытворчасць і пастаўкі ў адказ на шалёны попыт», — заявіў прэс-сакратар Woolworths
Прэм'ер Скот Морысан папрасіў аўстралійцаў быць больш разумнымі пасля таго, як амерыканская фірма Costco прадала туалетную паперу ў дзвюх сваіх вялікіх крамах, а пакупнікі змялі з паліцаў прадукты, уключаючы рыс і муку.
Каментары