Абразы ў праваслаўных храмах будуць праціраць антысептыкам пасля цалавання
Мітрапаліт Мінскі і Заслаўскі Павел заклікаў з разуменнем паставіцца да рэкамендаваных прафілактычных мер, накіраваных на прадухіленне распаўсюджвання ў Беларусі вірусных захворванняў, піша Sobor.by.
«Заклікаю кожнага праваслаўнага хрысціяніна паказваць вобраз выканання запаведзі Хрыста пра любоў да бліжняга, адказна выконваючы рэкамендаваныя Міністэрствам аховы здароўя Рэспублікі Беларусь санітарна-гігіенічныя і супрацьэпідэміялагічныя прадпісанні, накіраваныя на зніжэнне захворвання і прадухіленне далейшага распаўсюджвання віруснай інфекцыі», — гаворыцца ў цыркулярным лісце.
Ва ўсіх храмах, манастырах і месцах агульнага сходу вернікаў рэкамендавана:
- абразы і святыні праціраць антысептычнымі альбо спіртазмяшчальнымі рэчывамі пасля кожнага цалавання. На перыяд эпідэміі магчыма нават устрымацца ад цалавання святынь, замяніўшы яго паклонам;
- ужываць аднаразовыя шкляначкі для запівання пасля прычасці або нават абмежавацца з'ядзеннем антыдора або святой прасфоры без запівання. Пры гэтым аднаразовы посуд трэба збіраць і ўтылізаваць адразу пасля багаслужбы;
- рэгулярна рабіць вільготную ўборку ў месцах збору людзей і парафіяльных грамадскіх санітарных пакояў.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе16
Каментары