25‑гадовы беларускі форвард Уладзіслаў Марозаў збіраецца працягнуць сваю кар'еру ў чэмпіянаце Нарвегіі, паведаміў выданню «Анлайнер» прадстаўнік футбаліста Валерый Русецкі.
Па словах Русецкага, цікавасць да Уладзіслава Марозава праяўляюць адразу некалькі еўрапейскіх клубаў, пераважна са Скандынавіі. Найбольш канкрэтную зацікаўленасць выказвае нарвежскі клуб «Старт» з Крысціянсана.
Пасля пяцігадовага перапынку «Старт» вярнуўся ў наймацнейшы дывізіён краіны, аднак пакуль займае апошняе, 16‑е месца ў турнірнай табліцы.
Паведамляецца, што клубы ўжо пачалі перамовы пра магчымыя трансферы. Сам Уладзіслаў Марозаў таксама не супраць працягнуць кар'еру ў Нарвегіі.
Цяпер выхаванец брэсцкага футбола належыць партугальскаму клубу «Арока», але ў ім самім гуляў мала. Апошні год ён правёў у дацкім клубе «Колінгс», якому быў здадзены ў арэнду. За яго Марозаў забіў 10 галоў у 21 матчы, стаўшы найлепшым бамбардзірам клуба.
Сям'ю беларускага футбольнага арбітра напаткала нечаканая бяда: цяжкая хвароба маленькага сына
Дэмарш перад матчам ЛЧ: некаторыя гульцы румынскага клуба адмовіліся падаваць руку футбалістам «МЛ Віцебск»
«МЛ Віцебск» стартаваў у еўракубках з разгромнай паразы
«У маёй кар’еры такое — упершыню». З футбольнага клуба «Мінск» нечакана ўцёк малады футбаліст
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары