У 2022 годзе магілёўскі гурт Akute выпусціў свой шосты і на гэты момант апошні альбом «Напалову тут». З таго часу — поўная цішыня. Што ж здарылася з гуртам — задаюцца пытаннем фанаты.
«Гурт на паўзе», — распавялі «Нашай Ніве» абазнаныя крыніцы.
Пры гэтым вакаліст і гітарыст Стась Мытнік сабраў пад сябе новы праект — яго канцэпцыя і назва пакуль трымаюцца ў сакрэце. Але ўжо вядома, што, у адрозненне ад Akute, ён рускамоўны.
Прынамсі, на рускай мове гучыць кавалак першага злітага ў сеціва трэка. Па першым уражанні ад яго падаецца, што працягваеш слухаць стары добры дыска-дэкаданс ад Akute, але ўжо не з беларускай лірыкай і з новымі тварамі на фоне.
Наколькі зацягнецца паўза ў дзейнасці Akute, няясна — тым больш, галоўныя рухавікі працэсаў цяпер жывуць у розных краінах, што ўскладняе творчае супрацоўніцтва. Стась застаецца ў Беларусі, а Раман Жыгараў знаходзіцца ў Польшчы. Туды ж пераехала і экс-бубначка Vicky Fates, партыі якой сёння можна пачуць у групе Biaz Nazvy. Але цешыць, што пра канец Akute гаворкі пакуль не ідзе.
Аўтары хіта-мільённіка «August» Intelligency рыхтуюць свой дэбютны беларускамоўны альбом
«Многія не ведаюць, што мы беларусы». Музыкі з Серабранкі заспявалі па-французску і сталі зоркамі
Спявак Ap$ent выпусціў новую песню на беларускай мове. І паабяцаў, што такіх будзе больш
Беларускамоўны рэпер Лайтовы выпусціў свой першы альбом
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні4
Каментары