Як паведамілі Радыё Свабода ў Федэрацыі прафсаюзаў Беларусі, з улікам эпідэміялагічнай сітуацыі, арганізаваных калонаў пад сцягамі, як у мінулыя гады, сёлета не будзе — ні ў Мінску, ні ў іншых гарадах Беларусі.
Зрэшты, як удакладнілі ў штаб-кватэры ФПБ, гэта не выключае ініцыятыў на месцах. Так, у Гродне замест шэсця гараджанам прапануюць святочны тэлевізійны канцэрт, падрыхтаваны абласным аб’яднаннем прафсаюзаў, філармоніяй і мясцовым тэлеканалам. Яго запісалі загадзя і пакажуць увечары 1 мая.
Адмовіліся ад нейкіх акцый і незалежныя прафсаюзы.
«Упершыню за многія дзясяткі гадоў у сувязі з пандэміяй каранавіруса людзі працы па ўсім свеце не выйдуць на вуліцы і плошчы, каб адзначыць сваё свята. Не змогуць гэта зрабіць і сябры незалежных прафсаюзаў Беларусі. Але не толькі ў сувязі з пандэміяй віруснай, але і пандэміяй палітычнай. Аўтарытарны рэжым даўно загнаў сваіх апанентаў у рэжым ізаляцыі», — гаворыцца ў заяве выканкаму Беларускага кангрэса дэмакратычных прафсаюзаў.
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны4
Каментары