Прэзідэнт Расіі Уладзімір Пуцін у інтэрв'ю журналісту Андрэю Кандрашову зноў звярнуў увагу на падзеі, якія папярэднічалі Другой сусветнай вайне, піша lenta.ru.
Кіраўнік расійскай дзяржавы заклікаў Захад асудзіць так званую Мюнхенскую змову і падзел Чэхаславакіі, пра што ён казаў у снежні мінулага года. Пуцін нагадаў, што пагадненне, якое ў савецкай і расійскай гістарыяграфіі прынята называць Мюнхенскай змовай, заключылі з фюрарам Адольфам Гітлерам кіраўнікі Вялікабрытаніі, Францыі і Італіі. «Як бы там было прыемна цi непрыемна камусьці, але ў гэтым паўдзельнічала Польшча тагачасная.
Больш за тое: наўпрост уступілі ў змову з Гітлерам, прычым персанальна», — дадаў прэзідэнт.
На думку Пуціна, спробы перапісаць гісторыю робяцца для таго, каб «узбадзёрыць электарат».
У снежні Уладзімір Пуцін некалькі разоў закрануў тэму перадваеннай палітыкі шэрагу еўрапейскіх дзяржаў і, у прыватнасці, згадваў дзейнасць Юзэфа Ліпскага, які, будучы амбасадарам Польшчы ў Трэцім рэйху, пазітыўна выказаўся пра ідэю Адольфа Гітлера выслаць габрэяў са Старога свету ў Афрыку. У адным з выступаў прэзідэнт Расіі назваў Ліпскага сволаччу і антысеміцкай свіннёй. З-за заяваў кіраўніка дзяржавы расійскі пасол у Варшаве Сяргей Андрэеў быў выкліканы ў МЗС Польшчы, дзе, па словах дыпламата, адбылася жорсткая размова.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары