За палітыку асудзілі маладую намесніцу дырэктара школы з Беняконяў
Кацярына Барташэвіч працавала намесніцай дырэктара па выхаваўчай рабоце і рыхтавала прызёраў алімпіяд.
Кацярыне Барташэвіч 31 год.
Яна з Ліды, але ў апошнія гады жыла ў старажытным селішчы Беняконі Воранаўскага раёна Гродзенскай вобласці.
У мясцовай сярэдняй школе жанчына займала пасаду намесніцы дырэктара па выхаваўчай рабоце.
Акрамя адміністрацыйнай дзейнасці, Кацярына працавала настаўніцай фізічнай культуры і здароўя. Школьнікі, якіх яна рыхтавала, не раз станавіліся прызёрамі раённых і абласных этапаў рэспубліканскай алімпіяды.
Увесну гэтага года настаўніцу затрымлівалі. Кацярыну асудзілі ў Гродзенскім абласным судзе. Яе абвінавацілі паводле частак 1 і 2 артыкула 361‑4 Крымінальнага кодэкса Беларусі — садзейнічанне экстрэмісцкай дзейнасці.
Кацярыне прысудзілі хатнюю хімію. Працаваць у школе ёй, як «экстрэмістцы», будзе нельга.
Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.
Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10 050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў.
«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы.
«Наша Нiва» — бастыён беларушчыны
ПАДТРЫМАЦЬУ сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр
Рэдактарку дзяржаўнага выдавецтва асудзілі за «садзейнічанне экстрэмісцкай дзейнасці»
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію95
Каментары
Конечно, в репрессиях виноваты демсилы и Почобут, а не Лукашенко, Тур, Эйсмонты и исполнители на местах, которые сажают людей за лайки и дают годы тюрьмы за репосты.