Жонка прапагандыста Тура тэрмінова шукае рэпетытара па матэматыцы для дачкі
Зусім нядаўна міністр адукацыі Андрэй Іванец рэзка раскрытыкаваў бацькоў, якія наймаюць рэпетытараў, асабліва ў пачатковай школе.
Учора Ксенія Тур, жонка прапагандыста Ігара Тура, распавяла ў інстаграме, што рабіла з дачкой урокі да позняй ночы. Дзяўчынка вучыцца ў 4 класе ў школе ў Астрашыцкім Гарадку. Сярод яе аднакласнікаў і сын прыдворнага кампазітара Яўгена Алейніка.
Яшчэ з рускай мовай Ксенія змагла дапамагчы — хоць і пакутавала ад некаторых склонаў. А вось, здаецца, матэматыцы не здолела даць рады.
Таму цяпер тэрмінова шукае рэпетытара. Пра гэта Ксенія паведаміла ў сторыс: «Сітуацыя… Шукаем рэпетытара па матэматыцы ў анлайн-фармаце! Бацькі адэкватныя, дачка яшчэ лепей». І дадала пазнаку SOS.
Нядаўна міністр адукацыі Андрэй Іванец раскрытыкаваў рэпетытараў — маўляў, тыя зусім не патрэбныя беларускім школьнікам. А калі бацькі наймаюць рэпетытара, значыць, хочуць адкупіцца ад дзіцяці, заявіў ён.
Асабліва дасталася бацькам малодшакласнікаў: «Я ўпэўнены: наша сучасная школьная праграма настолькі простая, што, у прынцыпе, любы бацька павінен сесці, успомніць і здолець растлумачыць свайму дзіцяці. Калі тата ці мама не ў стане рашыць задачу па матэматыцы чацвёртага класа, значыць, у бацькоў нешта пайшло не так».
Цяпер чытаюць
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў1010
Каментары