«Мы ведалі, што ён спартсмен». Суседка забітай цяжарнай жанчыны расказала падрабязнасці пра яе
Пасля таго, як з'явілася інфармацыя пра тое, што зніклую ў Мінску 8 верасня 43‑гадовую цяжарную Таццяну Марцішчанку знайшлі мёртвай, а забойцам быў бацька яе будучага дзіцяці, з выданнем «Анлайнер» звязалася адна з суседак загінулай жанчыны.
Паводле слоў жанчыны, Таццяна арандавала кватэру ў сталінцы ў цэнтры горада і па спецыяльнасці была акушэрам-гінеколагам. Нейкі час яна працавала ў адной са сталічных радзільняў, але ў апошнія гады займалася прадпрымальніцтвам у медыцынскай сферы.
«У аўторак [8 верасня] позна ўвечары яе бацькі прыходзілі ў наш пад'езд. Яны шукалі Таню, спрабавалі хоць штосьці высветліць: яна не адказвала на званкі, а ключоў ад кватэры ў іх не было. У Тані засталася дарослая дачка — яна зараз жыве і вучыцца ў Маскве».
Паводле слоў Наталлі (імя зменена на просьбу суразмоўцы), маладога чалавека Таццяны ў пад'ездзе бачылі часта.
«Мы ведалі, што ён спартсмен і часта прыязджае на зборы. У галаве проста не ўкладваецца тое, што адбылося: з Таняй ён заўсёды трымаўся вельмі абыходліва, проста, пяшчотна; прыгожа да яе заляцаўся. Сама Танечка была такой далікатнай, заўсёды ў добрым настроі, на пазітыве.
Нягледзячы на тое, што кватэра была арэнднай, яна актыўна ўдзельнічала ва ўсіх пытаннях упарадкавання дома. У той дзень ніхто з суседзяў нічога падазронага не чуў, і для ўсіх нас гэта навіна — сапраўдны шок».
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах25
Каментары