Юбілейныя мерапрыемствы ў Жыровічах перанесеныя праз каранавірус
Мерапрыемствы з нагоды 550-годдзя Жыровіцкай іконы Божай Маці, 500-годдзя яе паўторнага цудоўнага здабыцця, а таксама 500-годдзя з часу заснавання Успенскага Жыровіцкага мужчынскага манастыра перанесеныя на пазнейшы тэрмін, піша сайт Беларускай праваслаўнай царквы.
Яны планаваліся на 19-20 мая. Не выключалася, што іх наведае Лукашэнка.
Новую дату прызначаць пасля завяршэння пандэміі каранавіруса.
У красавіку 63-гадовага архіепіскапа Наваградскага і Слонімскага Гурыя, рэктара Жыровіцкай семінарыі шпіталізавалі з пнеўманіяй і падазрэннем на каранавірус. 21 красавіка ў бальніцу з манастыра і семінарыі забралі 41 чалавека, з іх 23 пацыенты — семінарысты. Семінарыю і манастыр закрылі на каранцін.
У нядзелю стала вядома, што Гурый выздаравеў.
Каментары