У сутарэннях віленскай катэдры знайшлі схаваныя ў 1939-м кароны вялікіх князёў
Сярод знаходак — у тым ліку карона, скіпетр і тры пярсцёнкі з труны Барбары Радзівіл.
У таемным сховішчы Кафедральнага сабора Вільні зберагліся пахавальныя рэгаліі валадароў ВКЛ і Польшчы, паведамляе LRT.
«16 снежня 2024 года ў сутарэннях знайшлі схованку, дзе ў 1939 годзе, з пачаткам Другой сусветнай вайны, былі схаваныя каралеўскія рэгаліі. У тайніку знойдзеныя рэгаліі, прызначаныя для пахаванняў валадароў ВКЛ і Польшчы — Аляксандра, Лізаветы і Барбары», — паведаміў арцыбіскуп Вільні, мітрапаліт Гінтарас Грушас.
Паводле яго слоў, сярод знаходак — карона польскага караля і вялікага князя літоўскага Аляксандра, а таксама карона жонкі вялікага князя літоўскага і караля Польшчы Казіміра Ягелона — Лізаветы Габсбург, знойдзены яе ланцужок, медальён, пярсцёнак і шыльда з труны.
Таксама былі знойдзены карона, скіпетр, тры пярсцёнкі, ланцужок і дзве шыльды з труны Барбары Радзівіл — жонкі вялікага князя літоўскага і польскага караля Жыгімонта Аўгуста.
«Гэтыя кароны не выкарыстоўваліся пры жыцці правіцеляў, яны былі вырабленыя ўжо пасля іх смерці і прызначаныя для пахавальных цырымоній», — адзначыў Гінтарас Грушас.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары