У Маскве ўвялі абавязковае нашэнне масак і пальчатак у крамах, транспарце і на працы
Патрабаванне ўведзена з 12 мая. Згодна з указам мэра Масквы маскі, рэспіратары і пальчаткі неабходна насіць падчас паездак на грамадскім транспарце і таксі, пры наведванні крам і гандлёвых цэнтраў, а таксама на працоўным месцы. Якія менавіта маскі і пальчаткі трэба насіць, у дакуменце не ўдакладняецца.
За адмову насіць сродкі абароны на працы ці ў краме прадугледжаны штраф у памеры 4000 рублёў (каля 130 беларускіх), у таксі або грамадскім транспарце - 5000 рублёў (165 беларускіх). У Маскве штраф пагражае у тым ліку за адмову ад выкарыстання аднаго са сродкаў абароны — масак ці пальчатак.
Каментары