Мінчук падпаліў аўтамабіль начальніка з-за нявыплачаных за працу грошай
Супрацоўнікі сталічнай міліцыі затрымалі мінчука, які спрабаваў падпаліць аўтамабіль свайго начальніка, паведамляе ГУУС Мінгарвыканкама.
Уладальнік пашкоджанага аўто выказаў здагадку, што ў падпале можа быць вінаваты яго калега. Высветлілася, што 38-гадовы мінчанін сапраўды да гэтага датычны. На працягу доўгага часу ён працаваў на пацярпелага. Паміж мужчынамі часта ўзнікалі сваркі з-за нявыплачаных грошай за выкананую працу.
Падчас чарговага такога канфлікту рабочы запомніў аўто, на якім перасоўваецца яго крыўдзіцель. У той жа вечар ён накіраваўся да дома начальніка і, знайшоўшы побач з ім патрэбнае аўто, абліў транспартны сродак загадзя набытай вадкасцю для распальвання і падпаліў запалкамі. Аднак машына не загарэлася, і тады зламыснік пачаў паліць яе асобныя дэталі. У выніку пашкодзіў колы, капот і дах аўто. Агульная сума нанесенай шкоды склала каля 3 тысяч рублёў.
Цяпер чытаюць
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе2
«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары