У Мазыры затрыманы Руслан Парфёнаў, яму пагражае крымінальная справа за «масавыя беспарадкі»
Ранкам 19 жніўня ў Мазыры быў затрыманы актывіст супольнасці «Страна для жизни» Руслан Парфёнаў. Як паведаміў Радыё Свабода яго брат Андрэй, аўтамабіль актывіста спыніла ДАІ, і Руслана схапілі невядомыя, хутчэй за ўсё — міліцыянты.
Маці Руслана паведамілі, што яго павезлі ў Цэнтральны апарат СК у Мінск па справе аб «масавых беспарадках».
Руслан Парфёнаў быў затрыманы перад выбарамі, ён атрымаў 10 сутак арышту. Па БТ і АНТ пра яго паказвалі сюжэты, што ён нібыта рабіў «вожыкі», каб спыняць тэхніку міліцыі. Насамрэч у кадрах быў не Руслан — ён іншага целаскладу і росту.
Каментары