У Астрашыцкім Гарадку, дзе вучыўся Коля, упэўнена перамагла Ціханоўская ФОТЫ
Астрашыцкі Гарадок — аграгарадок пад Мінскам, у якім жыве каля 2500 чалавек. Ён вядомы за кошт двух фактараў — тут ёсць рэзідэнцыя Аляксандра Лукашэнкі і ў мясцовай школе вучыўся дзевяць гадоў яго малодшы сын Коля.
У сельсавеце — а гэта літаральна 100 метраў ад школы Колі — падчас выбараў працавалі два ўчасткі. Якія атрымаліся вынікі галасавання?
Участак №80
- Ціханоўская — 480 (55,7%)
- Лукашэнка — 280 (32,5%)
- Супраць усіх — 56 (6,5%)
- Агулам прагаласавала 862 чалавекі, з іх датэрмінова — 115 (13,3%), дома — 103 (11,9%).
Участак №81
- Ціханоўская — 680 (48,7%)
- Лукашэнка — 432 (30,9%)
- Супраць усіх — 215 (15,4%)
- Агулам прагаласавала 1396 чалавек, з іх датэрмінова — 180 (12,9%), дома — 122 (8,7%).
Пэўныя дзівосы ў галасаванні ёсць.
Па-першае, гіганцкая доля ахвотных прагаласаваць дома. Члены камісіі са скрыняй ходзяць па хатах у суправаджэнні міліцыі ў фінальны дзень галасавання, звычайна пасля абеду. Абысці больш за 100 адрасоў, асабліва ў сельскай мясцовасці, фізічна немагчыма.
Па-другое, на двух участках дзіўным чынам адрозніваецца колькасць тых, хто прагаласаваў супраць усіх. Участкі дэмаграфічна падобныя, у абодва ўваходзіць шэраг вуліц Астрашыцкага Гарадка, а таксама некаторыя з суседніх вёсак — Мар’яліва, Ключнікі, Селішча. Тым не менш на адным участку такіх набралася 6,5%, а на другім — 15,4%.
Аднак абедзве камісіі ў выніку зафіксавалі перамогу Святланы Ціханоўскай. Калі аб’яднаць вынікі галасавання на двух участках, атрымаецца, што апазіцыйная кандыдатка атрымала 51,4% і перамагала адразу ў першым туры.
Цяпер чытаюць
Расійскія прапагандысты выдумалі ўдар дрона па турыстычным аўтобусе. Але ў гісторыі ёсць загадкавыя фуры5
Каментары