Драматычны тэатр пераводзяць у рэжым рэпетыцый, адмянілі ўсе спектаклі, хоць на паказы ў пятніцу і суботу ўжо раскупілі ўсе білеты. Афіцыйна — праз эпідэмічную сітуацыю, піша Радыё Свабода.
Звальняюць акцёра Ігара Уланава, Васіля Мініча і Наталлю Лявонаву пазбаўляюць прэмій і ўсіх даплат.
Нагадаем, што на мінулых выходных акцёры Гродзенскага тэатра спынілі спектакль, даведаўшыся, што іх калегі: заслужаны артыст Беларусі, рэжысёр-пастаноўшчык і акцёр Сяргей Курыленка і яго жонка Валянціна Харытонава, — затрыманыя на акцыі пратэсту.
Ігар Уланаў тады выйшаў на сцэну і агучыў гледачам, што яны прыпыняюць спектакль, бо вымушаныя ехаць у РАУС, калі іх калегі затрыманыя.
Справа мела працяг, акцёраў выклікалі да дырэктара, а ў тэатр прыязджаў кіраўнік Гродзенскай вобласці Уладзімір Каранік.
Каментары