На Камароўцы з'явіліся парэчкі, а чарэшні нарэшце зраўняліся ў цане з клубніцамі
Чарэшні, абрыкосы і клубніцы цяпер прадаюцца на Камароўскім рынку ў Мінску па адной цане, буякі ўсё яшчэ дарагія, затое таннеюць персікі і нектарыны, а сярод навінак — з'яўленне парэчак. Выданне «Смартпрэс» расказала, што колькі каштуе.
Парэчак у продажы няшмат, а тыя, што ўдалося знайсці, прадаюцца амаль па 15 рублёў за 1 кг. Ягады сярэдняга памеру, сярэдняй спеласці або трохі недаспелыя, якія літаральна за дзень-два стануць мяккімі дома.
Зрэшты, асноўная ўвага пакупнікоў прыкаваная да клубніц і чарэшняў. За гэтымі ягадамі выстройваюцца чэргі.
Ягады яшчэ больш патаннелі. Клубніцы прадаюцца і па 6, і па 7, і по 8, і па 9 рублёў за 1 кг. А адборных у дыяпазоне цэнаў ад 10 да 16 рублёў за 1 кг з розных куткоў Беларусі таксама велізарная колькасць.
Чарэшняў вельмі шмат і розных — цёмных і светлых, розных сартоў і ступені спеласці. Разбежка цэнаў большая, чым на клубніцы — ад 9 да 26 рублёў за 1 кг.
Прытым чарэшні па 9—12 рублёў за 1 кг — не адзінкавы выпадак на рынку, а распаўсюджаная цана амаль на кожным шэрагу сезоннага рынку.
Каля 10 рублёў за 1 кг каштуюць і абрыкосы, паступова набліжаюцца да іх па цане персікі і нектарыны (13—20 рублёў за 1 кг), а вось буякі пакуль не трацяць сваіх пазіцый — іх прадаюць па цане ад 69 да 120 рублёў за 1 кг.
З грыбоў увага — лісічкам. Яны каштуюць па 24,9 рубля за 1 кг.
З гародніны патаннелі таматы. Чэры прадаюць ужо не шкляначкамі па 250—500 г, а россыпам па 9—10 рублёў за 1 кг.
З'явілася больш баклажанаў і кабачкоў, а таксама сталі прадавацца недарагія балгарскія перцы зялёнага колеру, якія гаспадыні звычайна любяць выкарыстоўваць для тушэння і закатак.
Каментары
не трацяць сваіх пазіцый - не СТРАЧВАЮЦЬ
.............. трацяць грошы