Расіяне на матацыклах спрабавалі ўзяць штурмам Малую Такмачку. Здагадайцеся, чым скончылася
Штурм пачаўся 16 чэрвеня. Каб павысіць шанцы на прарыў да Малай Такмачкі, расіяне задзейнічалі больш за 30 матацыклаў.
УСУ адбілі чарговы (хаця і не тыповы) штурм расійскіх войскаў у Запарожскай вобласці. Як паведамляе 118‑я асобная механізаваная брыгада, 16 чэрвеня праціўнік паспрабаваў прарвацца да населенага пункта Малая Такмачка, задзейнічаўшы адначасова больш за 30 матацыклаў і тузін квадрацыклаў.
Каб павысіць выжывальнасць тэхнікі, расійскія вайскоўцы мадыфікавалі свае транспартныя сродкі: абсталявалі іх партатыўнымі сістэмамі радыёэлектроннай барацьбы для абароны ад дронаў і нават шчытамі, якія меліся абараняць ад мін.
Аднак украінскія абаронцы спынілі калону. У баі было знішчана 26 вайскоўцаў РФ, больш за 20 матацыклаў і да 10 квадрацыклаў, паведамляе 118‑я брыгада УСУ.
Невялікае ўкраінскае сяло стала сімвалам тупіка расійскай арміі на фронце.
Што вядома пра віцебчука, якога вінавацяць у спробе падрыву самалёта ў Германіі12
Каментары