«Цяпер у моманце падаецца жорсткім і празмерным». Шпакоўскі раіць Расіі ўжыць ядзерную зброю
Дэпутата Палаты прадстаўнікоў, топавага прапагандыста Аляксандра Лукашэнкі трывожаць украінскія поспехі ў вайне дронаў.
Аляксандр Шпакоўскі ў эфіры «Клуба рэдактараў» вырашыў паразважаць пра апошнія ўкраінскія поспехі ў вайне. І даў параду расійскаму кіраўніцтву.
Паводле Шпакоўскага, усе папярэднія поспехі Украіны на фронце нібыта ператвараліся ў правалы. Прапагандыст лічыць, што так будзе і цяпер. Вось толькі Расія павінна выкарыстоўваць усе свае сродкі паражэння. Тут Шпакоўскі намякае на ядзерную зброю.
«Пакуль зразумела, што расійскае кіраўніцтва з тых ці іншых меркаванняў не выкарыстоўвае ўвесь арсенал сіл і сродкаў, якія ў іх ёсць, для таго, каб нанесці паражэнне кіеўскаму рэжыму (так расійская прапаганда называе ўлады Украіны. — НН).
У свой час я калегам-расіянам выказваў пункт гледжання на гэты конт. Ён заключаецца ў тым, што тое, што цяпер у моманце падаецца жорсткім і празмерным, ужо праз некаторы час ваенная рэальнасць будзе такая, што гэта будзе здавацца адзіным неабходным рашэннем», — сказаў дэпутат.
19 чэрвеня прэзідэнт Украіны Уладзімір Зяленскі публічна паставіў ультыматум Лукашэнку. Ён запатрабаваў за тыдзень прыбраць з Брэсцкай і Гомельскай абласцей рэтранслятары, якія дапамагаюць з навігацыяй расійскім дронам. Інакш іх прыбяруць украінскія вайскоўцы.
Лукашэнка на выхадных не каментаваў гэты ультыматум. Паводле слоў Зяленскага, рэакцыі праз неафіцыйныя каналы таксама не было.
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск
Канал, звязаны з Радай бяспекі Беларусі, пагражае ўдарамі па Еўропе, калі Украіна атакуе аб'екты ў Беларусі
Зяленскі назваў, якія рэтранслятары на мяжы і беларускія прадпрыемствы хвалююць Украіну
«Бяда, на вялікі жаль, ужо ступае на парог Сінявокай». Ультыматум Зяленскага Лукашэнку: што будзе далей?
Зяленскі: Даю Лукашэнку тыдзень
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
[Зрэдагавана]
Відаць не жадае рэагаваць на гэтую правакацыю.