На падпольнай цыгарэтнай фабрыцы ў Польшчы затрымалі пяцярых беларусаў
Польская паліцыя ліквідавала нелегальную тытунёвую фабрыку, якая магла выпускаць не менш за 10 млн цыгарэт у месяц. Затрыманыя сямёра чалавек — двое грамадзян Польшчы і пяцёра грамадзян Беларусі.
Як удакладняецца ў прэс-рэлізе, над гэтай справай ужо доўгі час працавалі супрацоўнікі ўпраўленняў у Гданьску і Лодзі. Сабраная інфармацыя прывяла ў Лодзінскае ваяводства, дзе на тэрыторыі арандаванай прыватнай уласнасці і знаходзілася фабрыка.
Падчас акцыі затрыманыя сямёра чалавек. Пры ператрусе знойдзеныя і канфіскаваныя прафесійная тэхналагічная лінія коштам каля 1 млн злотых, больш за 1,8 млн штук цыгарэт, рэзаны тытунь і неабходныя для вытворчасці кампаненты.
Следчыя мяркуюць, што на фабрыцы да моманту яе ліквідацыі магло быць выраблена некалькі дзясяткаў мільёнаў штук цыгарэт. Канфіскаваныя цыгарэты і рэзаны тытунь нанеслі б казне шкоду ў памеры больш за 2 млн злотых (прыкладна $530 тысяч).
Затрыманым мужчынам ва ўзросце ад 32 да 60 гадоў выстаўленыя абвінавачванні ва ўдзеле ў арганізаванай злачыннай групе, вытворчасці і збыце падакцызных тавараў. Яны змешчаныя пад варту тэрмінам на 3 месяцы.
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС9
Каментары