У жніўні Мінінфарм абмежаваў доступ да некалькіх дзясяткаў інтэрнэт-парталаў, сярод якіх былі як сайты палітыкаў (Бабарыкі, Цапкалы, Статкевіча і іншых), так і інфармацыйныя рэсурсы (у тым ліку і «Наша Ніва»).
Тлумачылася гэта тым, што блакіруюцца «інтэрнэт-рэсурсы, якія змяшчаюць заклікі і выкарыстоўваюцца для каардынацыі дзейнасці па арганізацыі масавага непадпарадкавання прадстаўнікам улады».
Большасць з сайтаў застаецца заблакаванай, але некаторым дазваляюць аднавіць працу. Літаральна перад Новым годам быў разблакаваны гомельскі сайт ProGomel.by.
Галоўны рэдактар сайта патлумачыў, як змог аднавіць працу рэсурсу.
«Нас заблакавалі яшчэ 9 жніўня. Пазней мы атрымалі загад Мінінфарма, дзе пералічваліся сайты, да якіх абмежавалі доступ. На той момант мы не ведалі, што стала прычынай.
Пасля гэтага мы падалі ў суд. Прайшло два судовыя пасяджэнні, вердыкт — пакінуць блакіроўку ў сіле. Але падчас пасяджэнняў мы змаглі даведацца сутнасць праблемы — аказалася, што тры канкрэтныя артыкулы нібыта парушаюць заканадаўства.
Іх мы прыбралі, пасля чаго зноў звярнуліся ў Мінінфарм. І ў снежні было прынятае рашэнне, што сайт можа аднавіць працу. Позна ўвечары 29 снежня сайт быў разблакаваны», — распавёў «Нашай Ніве» Максім Шалянок, галоўны рэдактар «Прагомеля».
Выйшаў на свабоду беларус, якога ў свой час прысудзілі да пажыццёвага зняволення. Гэта першы вядомы такі выпадак9
Каментары